Seal Travel

Experience Húnaþing vestra

Færeyjaferð með Guðmundi Hauki og Röggu

Category:
Dagur 4
Færeyjar
Hópurinn
North Wind

Tími 9. – 15. október 2019 Innifalið: Akstur og leiðsögn allan tímann. Ferðir með Norrænu og gisting í tveggjamanna klefum. Gisting á Hótel Færeyjum í fjórar nætur með morgunverðar-hlaðborði og kvölverðarhlaðborð þar fyrsta kvöldið. Akstur á veitingastaði að kvöldlagi.

Dagskrá:

  1. Miðvikudagur 9. október. Lagt af stað frá Hvammstanga klukkan 8.00. Ekið sem leið liggur til Seyðisfjarðar með leiðsögn, en þar þurfum við að vera mætt klukkan 17.30 til að fara um borð í Norrænu. Á leiðinni austur verður stoppað á nokkrum stöðum svo sem kaffipása á Akureyri og snædd kjötsúpa á Skjöldólfsstöðum á Jökuldal. (ekki innifalin)

 

  1. Fimmtudagur 10. október. Við gistum í tveggja manna klefum um borð í Norrænu. Þar er enginn matur innifalinn, en hægt er að velja um veitingastaði í ýmsum verðflokkum. Þar er líka fríhöfn með margskonar varningi. Komum að bryggju í Þórshöfn í Færeyjum um kl. 15.00 eftir 19 klukkustunda siglingu. Innritum okkur á Hótel Færeyjar sem er mjög gott hótel þar sem við dveljum í 4 nætur. Förum í stutta skoðunarferð um miðbæ Þórshafnar og skoðum m.a. Tinganesið, elsta hlutann, áður en við snæðum kvöldverð, hlaðborð á Hótel Færeyjar sem er innifalið í verðinu.

 

  1. Föstudagur 11.október. Í dag ökum við fyrst til gamals þorps Saksun á Straumey en heimsækjum síðan Austurey. Komum við í Tóftum og förum þar ullarvöruverslun Navia hjá Óla sem býður upp á gott úrval af færeyskum vörum og hönnun. Þá liggur leiðin um Funnigsfjörð og yfir heiði í nágrenni Slægtaratinds til Gjógv. Þar skoðum við afskekkt þorp og náttúrulega merkilega höfn í gjá. Síðan er ekið yfir Eiðisskarð til Eiði og á þeirri leið virðum við fyrir okkur steindrangana Risann og Kerlinguna.

 

  1. Laugadagur 12. október Nú er ferðinni heitið yfir Austurey gegnum Norðureyjagöngin til Klakksvíkur á Borðey með viðkomu í Göta til að skoða styttu af Þrándi í Götu.. Skoðum m.a. kirkjuna í Klakksvík og kíkjum kannski á barinn hjá Sigurði Ottóssyni frá Borðeyri Einnig heimsækjum við fámennt byggðarlag á eyjunni Kunoy, ökum yfir að Viðareiði á Viðarey nyrstu byggð Færeyja og skoðum fleiri áhugaverða staði.

 

  1. Sunnudagur 13. október. Á þessum degi kynnum við okkur aðallega eyjarnar Straumey og Vogar. Hefjum daginn á því að heimsækja hið forna höfuðból og biskupssetur Kirkjubæ með miklum sögulegum minjum. Ökum síðan um neðansjávargöng yfir til Vogar og heimsækjum þar m.a. þorpið í Gásdal og náttúruundrið Múlafossur. Í Gásdal heimsækjumvið lítið handverksverkstæði sem sérhæfir sig í vinnslu úr færeyskri ull og gærum, en þar ræður ríkjum Íslendingurinn Gísli Hraunfjörð ásamt færeyskri konu sinni Ann. Kannski fá þeir sem vilja smá kennslu í handverki. Í lok dags heimsækjum við þorpið Vestmanna á Straumey.

 

  1. Mánudagur 14. október. Eftir staðgóðan morgunverð á Hótel Færeyjum pökkum við saman og förum í rútuna. Á leiðinni til skips stoppum við og skoðum hið glæsilega Norðurlandahús í Þórshöfn. Mætum um borð í Norrænu og siglum af stað til Íslands um klukkan. 14.00.

 

  1. Þriðjudagur 15. október. Við leggjumst að bryggju á Seyðisfirði um níuleytið og ökum með tilheyrandi stoppum til Hvammstanga en þangað komum við vonandi um kvölmatarleytið.

 

Umsagnir frá síðustu ferðum:

 “Ferðina fór ég með Guðmundi Hauk og Ragnheiði Sjöfn (Röggu). Þetta var mjög vel heppnuð ferð, vel skipulögð. Bílstjóri (Guðmundur Haukur) og leiðsögumaður(Ragga) einstaklega liðleg og hjálpsöm við farþega. Við fórum víða og sáum ótrúlega margt á stuttum tíma. Hópurinn góður, en veðrið hefði mátt vera skemmtilegra, en þetta eru nú Færyjar.
Ég mæli eindregið með svona ferð.
Takk fyrir mig.”
– Ólöf

“Í haust var ég svo heppin að fara til Færeyja með Guðmundi Hauk – mig hafði lengi langað til að fara þangað og tók því þess vegna fagnandi þegar boðið var upp á slíka ferð. Í stuttu máli stóðst ferðin algjörlega undir væntingum. Fallegt landslag og skemmtilegir ferðafélagar. Að sjálfsögðu er ekki hægt að gera allt á stuttum tíma EN þá er bara að fara aftur. Eins ræður maður aldrei við veðurguðina en ferðin var mjög skemmtileg í alla staði. TAKK fyrir mig.”
– Ása

“Mæli með fyrirhugaðri Færeyjaferð með Guðmundi Hauk Guðmundur Haukur Sigurðsson og Röggu Ragnheiður Sjöfn Jóhannsdóttir 10.-16.apríl nk. Ég fór í Færeyjaferð með þeim og góðum ferðafélögum sl haust og gef þeim mín bestu meðmæli.”
– Kristín

“Þetta er búin að vera afskaplega skemmtileg ferð og vel heppnuð í allastaði. Mæli alveg sérstaklega með svona ferð með þeim Guðmundi Hauki og Ragnheiði Sjöfn. ”
– Halldóra

Verð í tvíbýli 177.900 kr og í einbýli 207.900 kr.

Skráning í ferðina er hjá Guðmundi Hauki í síma 893 4378 eða á netfanginu info@northwind.is. Þátttakendur þurfa að staðfesta þátttöku með greiðslu 25 % af fargjaldi inn á reikning Sealtravel þegar staðfest er að ferðin verður farin. Selatravel tekur einnig við fullnaðargreiðslu sex vikum fyrir brottför.

Síðustu tvær ferðir seldust fljótt og vel

Pantið því tímanlega